മംഗളൂരു, ജൂലൈ 24: കനത്ത മഴ തുടരുന്ന സാഹചര്യത്തില്‍ ദക്ഷിണ കന്നഡ, ഉഡുപ്പി ജില്ലകളില്‍ ജൂലൈ 25 ചൊവ്വാഴ്ച സ്കൂളുകൾക്കും പ്രീ യൂണിവേഴ്സിറ്റി കോളേജുകൾക്കും അവധി പ്രഖ്യാപിച്ചു. അതത് ജില്ലാ ഡപ്യൂട്ടി കമ്മീഷണര്‍മാരാണ് അവധി പ്രഖ്യാപിച്ചത്.
അങ്കണവാടികൾ, പ്രൈമറി, ഹൈസ്‌കൂളുകൾ, പ്രീ യൂണിവേഴ്സിറ്റി കോളേജുകൾ എന്നിവയ്ക്കാണ് അവധി പ്രഖ്യാപിച്ചത്. സർക്കാർ, എയ്ഡഡ്, അൺ എയ്ഡഡ് സ്വകാര്യ സ്‌കൂളുകൾ എന്നിവയ്ക്ക് എല്ലാം അവധി ബാധകമാണ്.
കൂടാതെ, തുടർച്ചയായ മഴയിൽ ഉണ്ടാകാനിടയുള്ള അപകടങ്ങളിൽ പെടാതിരിക്കാന്‍ മുന്‍കരുതല്‍ നിര്‍ദേശങ്ങളും നൽകിയിട്ടുണ്ട്. വെള്ളം നിറഞ്ഞ താഴ്ന്ന പ്രദേശങ്ങൾ, കുളങ്ങൾ, നദീതീരങ്ങൾ, ബീച്ചുകൾ എന്നിവയ്ക്ക് സമീപം കുട്ടികൾ പോകുന്നത് തടയാൻ രക്ഷിതാക്കളോട് നിര്‍ദേശിച്ചു.
