മംഗളൂരു- നഗരമധ്യത്തിലെ ജ്വല്ലറിയില്‍ ജീവനക്കാരനെ കുത്തിക്കൊലപ്പെടുത്തിയ പ്രതിയെ പിടികൂടാന്‍ പൊലീസ് പൊതുജനങ്ങളുടെ സഹായം തേടി. പ്രതിയുടെ സിസിടിവി ദൃശ്യങ്ങള്‍ പൊലീസ് പുറത്തു വിട്ടു.
ഫെബ്രുവരി 3ന് ഉച്ചകഴിഞ്ഞ് 3.30 നും 3.45 നും ഇടയിൽ മംഗളൂരു ബൽമട്ട റോഡിലെ മംഗളൂരു ജ്വല്ലറിയിൽ സ്വർണം വാങ്ങാനെന്ന വ്യാജേന എത്തിയ യുവാവാണ് ജീവനക്കാനായ രാഘവേന്ദ്ര ആചാരിയെ കൊലപ്പെടുത്തിയത്. സംഭവ സമയം ജ്വല്ലറിയിൽ തനിച്ചായിരുന്നു രാഘവേന്ദ്ര ആചാരി.
പ്രതിയെക്കുറിച്ച് എന്തെങ്കിലും വിവരം അറിയുന്നവര്‍ താഴെ പറയുന്ന നമ്പറുകളിൽ അറിയിക്കണമെന്ന് സിറ്റി പൊലീസ് കമ്മീഷണര്‍ എന്‍.ശശികുമാര്‍ അഭ്യര്‍ഥിച്ചു. വിവരം നൽകുന്നയാളുടെ വിവരങ്ങൾ രഹസ്യമായി സൂക്ഷിക്കും. ഫോണ്‍ നമ്പര്‍- 9480805320 (മഹേഷ് കുമാർ, എസിപി, സെൻട്രൽ സബ് ഡിവിഷൻ, മംഗളൂരു സിറ്റി) 2) 9945054333 ( പി.എ.ഹെഗ്ഡെ, എസിപി, സിസിബി, മംഗളൂരു സിറ്റി)
