മംഗളൂരു, ജൂലായ് 23: മുങ്ങിയ പാലത്തില്‍ വാഹനം കുടുങ്ങി. ബണ്ട്വാള്‍ കെദിലക്കടുത്ത കന്തുകോടിയിലാണ് മുങ്ങിയ പാലത്തിൽ പിക്കപ്പ് വാഹനം കുടുങ്ങിയത്. ജൂലൈ 23 ഞായറാഴ്‌ചയാണ് സംഭവം. പ്രദേശവാസികളുടെ സമയോചിത ഇടപെടല്‍ കാരണം ദുരന്തം ഒഴിവായി.
മൂന്നു ദിവസമായി മേഖലയിൽ കനത്ത മഴയാണ്. തുടർച്ചയായി പെയ്യുന്ന മഴയിൽ കെദിലയെ പടീലുമായി ബന്ധിപ്പിക്കുന്ന പാലം പൂർണമായും വെള്ളത്തിനടിയിലായി. പാലത്തില്‍ വെള്ളം കയറിയതു വകവെക്കാതെ ഇതു വഴി കടക്കാന്‍ ശ്രമിച്ച വാഹനം നടുവിൽ കുടുങ്ങുകയായിരുന്നു. നാട്ടുകാർ അതിവേഗം പ്രവർത്തിക്കുകയും കയർ ഉപയോഗിച്ച് ഡ്രൈവറെ രക്ഷപ്പെടുത്തുകയും ചെയ്തു.
പടീലിൽ നിന്ന് കെദിലയിലേക്ക് പോവുകയായിരുന്നു പിക് അപ്പ്. വര്‍ഷങ്ങളായി മഴക്കാലത്ത് ഈ പാലത്തില്‍ വെള്ളം കയറാറുണ്ട്.
