മംഗളൂരു: കുംപാള ബാഗംബിലയില്‍ ലഹരി മരുന്ന് വില്‍ക്കുകയായിരുന്ന ഓട്ടോ ഡ്രൈവര്‍ പിടിയിലായി. ബാഗാംബില ശ്മശാനത്തിനടുത്ത് ലഹരി മരുന്നായ എംഡിഎംഎ വിൽപന നടത്തിയ ശാന്തിബാഗ് സ്വദേശി മുഹമ്മദ് ഷെരീഫ് എന്ന ഫൈസലിനെയാണ് ഉള്ളാള്‍ പൊലീസ് അറസ്റ്റു ചെയ്തത്. 12 ഗ്രാം എംഡിഎംഎ, രണ്ട് മൊബൈൽ ഫോണുകൾ, ഒരു ഓട്ടോറിക്ഷ എന്നിവ പൊലീസ് പിടിച്ചെടുത്തു.
രഹസ്യ വിവരത്തെ തുടര്‍ന്ന് ഉള്ളാള്‍ പോലീസ് ഇൻസ്‌പെക്ടർ സന്ദീപ്, എഎസ്‌ഐ സന്തോഷ് കുമാർ, പൊലീസുകാരായ രഞ്ജിത്, അശോക്, മഞ്ജുനാഥ് എന്നിവർ ചേർന്നാണു പിടികൂടിയത്.
.
