മംഗളൂരു, ഓഗസ്റ്റ് 5: കങ്കനാടി, പമ്പ്‌വെൽ ഭാഗത്ത് കഞ്ചാവ് വില്‍പന നടത്തവേ യുവാവ് പിടിയില്‍. കോടിക്കൽ മുസ്തഫ കോമ്പൗണ്ടിൽ താമസിക്കുന്ന മുഹമ്മദ് അസീസ് (40) ആണ് പിടിയിലായത്.
ഈ ഭാഗങ്ങളില്‍ ഒരാൾ ഇരുചക്ര വാഹനത്തിൽ കഞ്ചാവ് വിൽപന നടത്തുന്നതായി രഹസ്യവിവരം ലഭിച്ച സിറ്റി ക്രൈംബ്രാഞ്ച് (സിസിബി) പോലീസ് നടത്തിയ റെയ്ഡിലാണ് ഇയാള്‍ പിടിയിലായത്. വിപണിയില്‍ 50,000 രൂപ വിലവരുന്ന രണ്ട് കിലോ കഞ്ചാവ് പിടികൂടി. ഇതിനു പുറമേ ഇരുചക്ര വാഹനവും, മൊബൈൽ ഫോണും പിടിച്ചെടുത്തിട്ടുണ്ട്.
കഞ്ചാവ് വില്‍പന നടത്തിയതിന് കഴിഞ്ഞ വര്‍ഷം കൊണാജെ പൊലീസും മുഹമ്മദിനെതിരെ കേസെടുത്തിരുന്നു.
